Sa lotu rawa tiko na vanua VILIAME RAVAI | Monday, December 11, 2017

E dabe toka oqo ko Livai Boginivalu (siqeleti loaloa) kei na lewe tolu na gonetagane ena yasa ni cabocabo ni soro ka dabe toka kina na vatu e tinikarua . Veitaba: VILIAME RAVAI
E dabe toka oqo ko Livai Boginivalu (siqeleti loaloa) kei na lewe tolu na gonetagane ena yasa ni cabocabo ni soro ka dabe toka kina na vatu e tinikarua . Veitaba: VILIAME RAVAI

Update: 10:24AM NA i cabocabo ni soro ka ra dau mai vakacacabo kina na neimami qase vua na Kalou ni lomalagi ka ra dau cibitaka voli ena nodra dela ni gauna.

Oya na veika e cauraka toka ko Livai Boginivalu e dua vei ira na bati ni vanua ko Naloto ena loma ni vanua na Wainibuka.

�Keimami dau rogorogoca tu ga ni ra a sa lotu makawa tiko mai na neimami qase ni bera ni qai cabe mai na veilotu tale eso ka ra sa mai taurivaki tiko ena gauna qo ena noda vanua,� e kaya o Boginivalu.

E kuria na nona itukutuku na mata ni  tikina o Naloto qo ni vakadinadina levu ni ra sa lotu makawa tiko na vuda ka ra tawa vanua taumada e Viti ni oti na kena biu mai ko Nakauvadra ni tiko eso na yaca ni vanua ka ra dau mai qarava kina na nodra Kalou na noda qase.

�E dua na yaca ni delana e tiko qo vei keimami e Wainibuka ko Naicuvacuva i Jiova, qo na delana era dau mai qarava kina na Kalou na neimami qase era tawana na Wainibuka ena gauna oya,� e kaya.

Ia, na kena butuki na koro makawa ni yavusa Naloto ka volekata na koro ko Nasau e laurai kina e dua na i tuvatuva vatu cecere ka rewa sara e cake ena koro makawa qo. Na kena rewa e tiko sara kina 12 na mita ka dredre sara na kena cabeti na i cabocabo ni soro qo ni baba vatu wavoki.

E vakaraitaka ko Boginivalu ni oya na delana era dau mai masu kina na qase ni Naloto ena veigauna ni nodra qarava na Kalou. E matalia toka na cabocabo ni soro qo ni dabe toka kina e 12 na vatu ena dela ni cabocabo ni soro.

�Na 12 na vatu e dabe toka ena dela ni vatu qo na i vakatakilakila levu ga ni 12 na mataqali Isireli ka matata tu vei keimami na kena i tukutuku,� e kaya o Boginivalu. E kuria o koya ni levu sara nai tukutuku e sa rogo tu ena gauna qo ka laurai na kena i vakadinadina ni ra sa lotu taumada tu na noda qase ni bera ni qai cabe mai na lotu vakarisito. �E dina taucoko oya ni ra sa lotu rawa tu na noda qase me vakataki keitou na kai Naloto keimami sa rarama rawa tiko ka ni tu na kena i vakadinadina na nodra i cabocabo ni soro na neimami qase ni koro makawa qo a tawani ena lima na drau ki na ono na drau na yabaki sa oti,� kaya o Boginivalu.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.