Bukete Tevoro VILIAME ODRO | Monday, December 18, 2017

Update: 10:38AM SA MAI yala toka na noda i talanoa e na gauna e tukuna tiko kina o Luke ni qai mai rogoca na yacadrau na yalewa tevoro (Geli) e na gauna e sa yabaki ciwa kina, baleta ni dua vei rau na yalewa tevoro e a qai vakawati e na matavuvale nei tinana.

Ni tei wiliwili sara yani:

?O ya na vuna e matata vakavinaka tiko kina vei au na noqu kila na i talanoa oqo, baleta ni qai mai maroroi sara ga e dua vei rau e na matavuvale nei Tinaqu,? kaya o Luke.

Nodrau sa mai tiko e nakoro, e rau vakayacora vakavinaka sara ga na yalayala e rau a yalataka mai e na gauna e rau sa soro kina.

Tomana ni toso tiko na gauna e sa via vakawati e dua vei rau, o ya e kena i balebale ni o rau na rua oqo, e rau tiko e na maliwa ni tamata kei na tevoro, ka sa makutu sara talega e dua na turaga ni Tukavesi me vakayacora na lomana.

Kuria ni toso tiko na gauna e sa qai yali vakatawamacala e dua vei rau na yalewa tevoro, ia, o kena i karua e sa bula mamarau sara tiko e na nona sa vakawatitaki e na matavuvale nei tinaqu.

?Na ka kece sara ga au raica e mataqu, ka?u sa mai talanoataka tiko qo.

?Au vakabauta ni nona sa yali tawamacala o kena i karua, baleta beka ni sa galili, ka rau sa sega ni veitalanoa vakalevu kei kena i karua, ka ni sa tovolea o kena i karua na kamikamica ni bula vakawati kei na veimosimositi ni dua na tagane kei na dua na yalewa.

?Na gauna dede e rau a bula voli mai kina e na loma ni lekutu, e rau dau veivolekati sara vakalevu, ia na gauna e sa vakawati kina e dua vei rau, sa tekivu talega e kea na nodrau veiyawaki, baleta ni sa malemaleka vei kena i karua na bula ni vakawati,? kaya o Luke.

Kuria ni o ya beka na vuna e sa yali tawamacala kina e dua vei rau, ka ni ra qai la?ki raici koya na lewe ni koro ni sa yali mai e na vale ka tawana tiko.

Tomana ni sa toso tiko na gauna, sa rogovaki sara mai nakoro ni sa bukete o Nau, ka vakasucuma mai e dua na cauravou.

E sa qai mani vakayacani na cauravou o ya me ko Ratu Parayama ka bulabula vinaka sara.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.