Tarai cake na bula vakayalo UNAISI RATUBALAVU | Monday, December 18, 2017

Update: 10:53AM ERA laki vakaivaqataki vakayalo na cauravou kei na goneyalewa ena vuku ni keba ni mataveitokani e Viti ka laki vakayacori mai Labasa ena macawa sa oti.

Ka levu sara na i ulutaga vinaka kei na vosa era rogoca na i tabagone ka ra vukei kina ena nodra bula ena vuku ni dredre ni bula eda sa donumaka tu ena gauna nikua. E a veivakadeitaki o Talatala Apete Toko vei ira na i tabagone ena rara na  Subrail Park ka kaya vei ira ni ka bibi na bula vakaivakarau.

�E sega ni tukuni sara me sa dua na nomu cakacaka vinaka se ko sa dauqito mo qai bulataka na bula vakaivakarau,� e kaya o Talatala Toko.

E rauta ni 1500 na i tabagone era tiki ni keba ni yabaki oqo ka dau cicivaka na Lotu Wesele, ka levu sara na i tabagone era marautaka na sota oqo ena vuku ni vuli kei na veitokani ena loma ni lotu.

E vakabibitaka vei ira na i tabagone o Talatala Toko ni ka bibi me ra na kila na kedra yaga se cava na loma ni Kalou ki na nodra bula.

E kuria na nona i vakamacala o Talatala Toko ni sega ni vakacalaka na noda sucu mai ena dela ni vuravura oqo, ka tu na keda yaga ena vuravura e vakarautaka mai oqo na Kalou.

Tukuna ni kevaka eda na cakava na loma ni Kalou ki na noda bula, eda na marautaka na noda bula ka sega ni tubu na i wiliwili ni tabagone era sa via kuna tiko se kauta tani na nodra bula.

E veivakauqeti vei ira na i tabagone o Talatala Toko, me ra kua ni soli ira tu ki na cakacaka ni vu ni ca kei na bula ni valavala ca.

E kaya ni sau levu na noda bula ena vuku ni nona mai mate o Jisu me da rawata kina na bula, sa ka bibi kina me ra na kua ni vakatara na nodra bula ena kena vakayagataki na wainimate ni veivakamatenitaki kei na bula ni valavala ca. E ra vakavinavinakataka na i tabagone mai na  i wasewase e 56 na veika e veivakarautaki kina na Kalou ena vuku ni keba macawa dua e Labasa.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.