Kanavata ni marama e Toga VILIAME ODRO | Monday, December 18, 2017

Update: 10:59AM ERA osota na valavakoro mai na koro ko Vunisei, e Toga Naqavoka e na siga Lotulevu ni macawa sa oti na i soqosoqo vakamarama ni koro ko ya e na nodra vakananuma kina ni sa yabaki dua na kena cici tiko mai, ka vakakina na nodra kana vata na lewe ni soqosoqo ni sa mai cava e dua na yabaki.

E vakadeitaka mai na i tukutuku oqo ki na Na i Lalakai o Arieta Seru na i liuliu ni soqosoqo ni dua na gauna rekitaki ki vei ira na lewe ni soqosoqo na siga o ya.

E kaya o Arieta ni vakavinavinaka talega ki na matanitu e na kena soli vakailoloma vei ira e dua na kato ni waililiwa (fridge), ka sa cicivaki tiko kina na nodra volitaki aisi kirumu e na gauna oqo.

Tomana ni nodra yaco vata yani me ra la�ki vakaraitaki cakacaka ni liga e na nodra valevakoro, era kidrowataka sara ni so vei ira ga na marama era tiko e nakoro, era sa domona sara ga ka ra sa volivoli talega e na siga o ya.

�Na i lavo e rawa e na siga Lotulevu, e gole vakatabakidua sara ga vei koya na marama e nona na cakacaka ni liga.

�Ia, na i lavo ga e rawati mai e na volitaki aisi kirumu e na kato ni waililiwa e vagolei vakatabakidua sara ga ki na tobu ni neimami i soqosoqo.

�Au marautaka sara vakalevu na neimami yaco vakalewelevu mai e dai, me keimami mai vakadinadinataka kina ni tiko yadudua na taledi vei keimami na lewe ni soqosoqo,� kaya o Arieta.

Tinia na nona i vakamacala o Arieta ni sa tu na nona vakanuinui ni ra na yacova vata na marau ni Siga ni Sucu kei na tawase ni yabaki vou, ka na qai tekivu tale na nodra i soqosoqo e na vula ko Veverueri, ni yabaki 2018.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.