Soqo lagilagi mai Vaturu VILIAME ODRO | Monday, December 18, 2017

Update: 11:01AM ESA tutu na soqo au donumaka, e dua keirau qai sotava oqo, e sa bau warumisa, cacalidilidi, ka uneune ga na loma ni rara.

E vakadeitaka mai na i tukutuku oqori ki na Na i Lalakai o Qasenivuli Vakacegu Iliesa Baravilala.

Kaya o Baravilala ni dua na kalougata levu ni rau a bau sureti kei Mosese Baledrokadroka na cauravou domo koula ka sa kilai levu tiko e na noda vanua e na gauna oqo, me rau la�ki cau talega e na vakananumi ni yabaki drau (100) ni koronivuli na Vaturu District School e na colo kei Nadi.

Tomana o Baravilala ni rau a ciqoma na veisureti nei Na i Talatala ni Tabacakacaka ko Vaturu, o Talatala Iliesa Nasedra, na jeameni ni komiti ni koronivuli o ya.

E kaya o Baravilala ni totoka vakaoti tu na draki e na mataka ni siga Vakaraubuka na i ka 24 ni siga e na vula sa dromu, ka mudre malua tu na cagi e na veidelana drokadroka e Nadogo.

Kuria ni da tu e na loma ni bai ni koronivuli, e da rawa ni sarava tu na rara ni waqavuka levu mai Nadi, ka davo galugalu tu mai dakuna na nodra sala na tukada na Tualeita, ka ratou davo toka vakababa na koro ko Korobebe, Sabeto kei Natalau.

Sa rairai totoka ni da vakaraica ni ra ciri cacavukavuka yawa yani na yatu Malolo kei na yatu Yasawa, ka vakakina na karakarawa ni waitui bula.

�Era sa tekivu yacoyaco yani na vuli oti kei ira na vulagi sureti e na koronivuli ko Vaturu me keimami mai duavata e na kena marautaki na yabaki lagilagi e 100.

�Qai tini donu na kaloko sa kele mai na nona waqa ni vakalele na vulagi dokai, ka i liuliu levu ni lotu Wesele ni Wasewase o Vuda, o Rev Jeremaia Uluivuda mai Viseisei e Vuda.

�Sa dua na ka lagilagi dina ni vakayacori kece vua na veiqaraqaravi vakavanua, ka ra vakaitavi kina na gonevuli era vuli tiko e Vaturu e na gauna oqo,� kaya o Baravilala.

Tomana ni gauna e sa cereki oti kina na i vakananumi ni yabaki drau, e sa qai mai lagata yani na cauravou lailai ni Naova o Mosese na sere ka vulici vakatabakidua sara ga me baleta na soqo e na siga oya.

E soli tu na draki mai lagi, ka kadresu na loma ni rara e na veimataqali tuisi kei na tauratale vakaivua.

Kuria o Baravilala ni vakamarautaki ira tu na lewe ni vanua e Vaturu na domoi Modjee, ka drodro vakayauyau ga na soli e na siga o ya.

Ni qai dre ko Malolo era sa solia rawa na tiko e na soqo ni yabaki 100, e 50 vakacaca na udolu, me rawa ni tekivu kina na kena tara e dua na koronivuli ni sekedari me ra tuberi kina na kawa bula kei Vaturu e na veisiga ni mataka.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.