Na Domo ni Parofisai mai na Lotu i Kavitu VILIAME RAVAI | Monday, December 18, 2017

Update: 11:03AM Nai tekitekivu kei na i otioti ni valavala ca e vuravura WILIGUSU: �Ni sa lomani ira na kai vuravura vakaoqo na Kalou, me solia kina na Luvena e dua bau ga sa vakatubura me kakua ni rusa ko ira yadua era sa vakabauti koya, me ra rawata ga na bula tawa mudu.� Joni 3:16.

Nai Tikotiko e na were

1. Ko cei e a bulia na tamata? E bulia vakacava?

�A sa bulia na tamata na Kalou mai na kuvu ni qele, ka ceguva kina na ucuna nai cegu ni bula, a sa yaco kina na tamata me yalo bula.� Vakatekivu 2:7.

Io, a cakava na tamata na Kalou ka solia vua na i cegu ni bula. Ka yaco kina me cegu, vakasama, vosa ka lako rawa. Na noda bula mai Vua na Kalou. Sa soli bula ki na yago ka cakava. A sega na bula e na yago me yacova ni sa solia na Kalou.

2. A bulia vakacava na i matai ni yalewa na Kalou?

Ia, na Kalou ko Jiova sa vakayacora me biti Atama e dua na moce lutu, a sa moce kina ko koya, a sa kauta tani ko Koya e dua na sui ni sarisarina, a sa cakava na lewena me veiuturi me kena i sosomi. Ia na sui ni sarisarina ka kauta tani na Kalou ko Jiova mai vua na tagane, sa bulia kina e dua na yalewa, a sa kauti koya vei Atama.� Vakatekivu 2:21, 22.

A taura e dua na sui ni sarisari Atama na Kalou ka bulia kina e dua na yalewa na watina na i matai ni tamata. Na yacana ko Ivi. Na Kalou a buli Ivi me wati Atama. Me rau tiko vata, ka sega ni soli vei Atama e rua na yalewa me watina, ka sega talega ni levu na tagane e solia na Kalou me wati Ivi. Na i naki ni Kalou me dua ga na yalewa ka dua na tagane.

3. Ko cei e a vakarota vua na Kalou me lewai ira na manumanu yavai va?

�A sa kaya na Kalou me datou bulia na tamata me i tovo vata kei kedatou, ka me ucui kedatou, ka me na lewa na ika ni veiwasawasa, kei na manumanu vuka kei na manumanu yavai va, kei vuravura taucoko kei na ka kecega sa qasi voli e dela i vuravura.

A sa bulia na tamata na Kalou me i tovo vata kei Koya, e na i tovo ni Kalou sa buli koya ko Koya: na tagane kei na yalewa sa buli rau ko Koya.� Vakatekivu 1:26, 27.

Vakatekivu 3:20, e tukuna vei keda na i matai ni tagane kei na yalewa. Yacadrau ko Atama kei Ivi. E rau a buli me rau i tovo vata, ka ucui Koya na Kalou, ka me rau lewa na manumanu yavai i va na manumanu vuka kei na ika.

4. A vanua cava sa qai vakatikori Atama kei Ivi kina na Kalou?

�A sa tea e dua na were na Kalou ko Jiova, mai Natuicake mai Iteni a sa kauta kina na tamata ka bulia ko Koya. A sa vakatubura mai na qele na kau kecega sa vinaka na kena i rairai, ka yaga me kakana, na kau ni bula talega ena loma ni were, kei na kau sa kilai kina na vinaka kei na ka ca. A sa drodro e dua na uciwai mai Iteni me vakasuasuataka na were a sa wasea mai keya, ka yaco me na kena i davedave. A yaca ni kena i matai ko Paisoni, ko ya sa volita na vanua taucoko ko Avila, sa kune kina na koula. A sa vinaka na koula ni vanua koya, sa kune talega kina na mata ni civa, kei na vatu na yacana na Onikisa.

Ia, na yaca ni kena i ka tolu ni uciwai ko Itikeli koya sa lako vaka ki Asiria, vaka ki Natuicake. Ia nai ka va ni uciwai na Uferetisi. A sa kauta na tamata na Kalou ko Jiova ka vakatikora kina were ko Iteni me wereca ka vakatawa.� Vakatekivu 2: 8-16.

Sa noqu masu me vukei keda na Kalou ena noda wilika, vakabauta ka muria na nona vosa.

Ena qai tomani tale yani.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.