Dei na nomu vakabauta LEKIMA LAWENITOAKULA | Monday, December 18, 2017

Update: 11:05AM Ni na lako yani mai Saioni na i Vunau kei na Vosa i Jiova mai Jerusalemi. For out of Zion shall go forth the Law and the Word of the Lord from Jerusalem.

Ki Mitzion Tetzei Tora Udivar Adonai Mirushlayim.

Ni sa bula vinaka tale mai na wekaqu lomani mai na veiyasai Viti kei vuravura.

Au kidavaki kemuni tale tiko yani oqo ena yaca talei ni goneturaga ko Jisu Karisito.

Ni sa bula vinaka tale mai.

Sa ara na yadra.

Joni 6: 35

Koi au na madrai ni bula.

O koya vakayadua sa lako mai vei au ena sega ni via kana, kei koya sa vakabauti au.

Ena sega ni via gunu.

Nikua eda sa yacova tale kina na i ka 13 ni siga ni Tiseba.

Esa vo ga oqo e vica ga na siga me da satadu yani ki Peceliema ena vale ni madrai, o koya e a sucu kina na goneturaga o Jisu Karisito na noda i Vakabula.

Esa oso drigi sara tikoga oqo ko Peceliema mai vei ira na saravanua (tourists) mai na veiyasai vuravura.

Era sega ni dau lako wale i kea (Peceliema) era dai laki solia saraga na nodra ka ni loloma ki na vanua e dau soli kina na ka ni loloma.

Era dau laki tekiduru ka cuva saraga ena nodra dau masu ena vakavinavinaka ki vua na Tamada sa cecere sara ena nodra sa mai tara na mawe ni vako ena nodra sa mai vakadinadinataka saraga na vanua ka a sucu taumada kina na nodra i Vakabula.

E sa dau kena i vakarau tu vei ira na pilgrimage se vei ira na saravanua mai na veiyasai vuravura me se vo tiko e rua na vula, ni Siganisucu, era sa dau lako rawa tiko mai ki na Holy Land Tour. Era na wavokita kece na vanua vakai Vola Tabu rawa ni ra tekivu mai Ijipita, Lepanoni, Joritani, vanua kece vaka- Isireli.

Ka ra dau qai laki vakatinitini sara i Peceliema ena Siganisucu.

Me vaka ga au a sa tukuna rawa tiko ni ra lako tiko mai oqo, era sega ni lako wale tiko mai.

Era lako vata sara tiko mai kei na nodra ka ni loloma me ra dau mai solia ki Peceliema ka ra sa vakarautaki ira sara tiko mai ki na nodra mai lagalagasere ki Bethlehem Square.

Era dau mai vakaitavi eke o ira na matasere mai na veiyasai vuravura.

Ena yabaki sa oti, era a bau mai lagalagasere talega i Peceliema o ira na noda e Viti.

Nai sevu ni matasere ni Viti me vakaitavi ena lagalagasere ena Square e Peceliema, kau kalougata meu bau laki lewena talega na matasere oqo.

A donuya na gauna au a tiko kina mai kea ena i lakolako ni veitaqomaki mai na 1984 ki na 1985.

E a kauta tiko se a liutaka tiko na matasere oqo o Major Manoa Masi na daunivulisere ni matasere o Kadavu ena gauna oya.

Esa dua dina na gauna lagilagi vei keimami na luvei Viti.

Na noda i ulutaga tiko ena veimacawa : Mo vakadeitaka na nomu Vakabauta.�

Ni da na dau vakadeitaka na noda vakabauta, ena dau vakadeitaka tikoga na noda bula ni vakabauta ena veigauna kecega, veitalia sara ni da dau sotava na dredre cavaga, ke o mani laki temaki sara vakacava ena i dre ni vuravura oqo, ko a qai vakadeitaki iko tikoga kivua.

Ko na qai dau kune vakacegu tikoga mai vua, ena veigauna kecega.

Ena Sere Levu na 198- Tudei, tudei vei Jisu.

Koi keda kecega. 

Tukuni koya voli me sa rokovi ga.

Sa na tuberi keda. 

Meda sa dau qaqa, na nona meca kece me bale mate ga

Tudei, tudei vei Jisu

Vakarorogo mai

ka lako ena i valu, ena gauna edaidai

Me da veivala tiko, kakua ni da dro

Sa noda i vau kaukauwa, na luve ni Kalou

Tudei, tudei vei Jisu

Ena kaukauwa ga

Sa na solia ko koya, vei keda kecega

Me taurivaki kece, yaragi ni Kalou

Kakua ni da rere, ni laki vala tu

Tudei, tudei vei Jisu

Vosota tiko ga. Yabaki vica wale, qai cegu mai kea.

Ni oti tu na i valu, ka ra sa cuva no, tamata kecekece

Kivei Karisito.

Ni mositi Aisea na parofita, na nona vanua o Isireli, e qai vakataudeitaka tikoga na nona vakabauta, e qai tukuna ko koya na nona vosa en Aisea 62: 1-7.

�Ena vuku i Saioni, au na sega ni tiko lo, ena vukui Jerusalemi au na sega ni na vakacegu rawa.

Kemuni na wekaqu mai na veiyasai Viti kei vuravura, me da dau kakua ni vakacegu rawa, me da dau masu tikoga ena veigauna kecega.

Me vaka ka a vosa vakabibi talega kina na Daunisame ko Tevita ena Same 81: 10.

Dou dalaga vakalevu, au na qai vakamamautaki kemudou.�

Na leqa levu se leqa lailai cavaga e dau takoso mai matamu, nai wali ni leqa oqori ena koto ga vua na goneturaga ko Jisu Karisito.

Ena qai kuri tale yani.

Ena vosa vaka- Iperiu me da na vulica�

i) welcome- barukh haba

ii) well and good- tor veyafe

iii) what elese?- uma od?

iv) why?-lama?

Mobile: 9204915/ 9590439/7598788

E levu na veisolisoli cecere e qai solia se veivakarautaki kina vua na noda Kalou bula ko Jiova.

Tekivu na nona volavola ena pepa mai na 16 ni Seviteba 2015 ki na yabaki ka tarava, 2016, e sa vakila o Lawenitoakula ni sa tiko vua na i solisoli ni veimasulaki.

Ni mai yacova oqo na i karua ni yabaki ni veiqaravi, e sa soli sara vua e dua na lori ena i sau e sau rawarawa.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.