Cereki na taledi VILIAME RAVAI | Monday, February 12, 2018

ENA vakaraitaki tiko eso tale na taledi vovou nei Viti ena nona vakaitavi tiko ena sotasota ni Brisbane Global Tens ka na tekivutaki tiko ena Vakaraubuka qo.

Ena qito tiko ena timi ni Queensland Reds o Moses Sorovi, Samu Kerevi kei Filipo Daugunu.

Ena qito tiko ena timi ni Highlanders o Tevita Nabura, ia ko Watisoni Votu na cauravou ka sa daramaka oti na siqeleti vulavula ni Viti ena qito tiko ena timi ni Pau. Era na vakaitavi tale tikoga eso na dauqito rogo ena Vakaraubuka qo.

Ena qito tale tikoga o Conrad Smith, Colin Slade, Frank Halai ena timi ni Pau kei Berrick Barnes ena timi ni Panasonic Wild Knights.

Na sotasota ni rakavi lewe tini ena tuvai tiko me lima na dauqito ena i yatu e liu kei na lima na dauqito ena i yatu e muri ka tauya 10 na miniti dua na yasa ni qito. Ena tolu tiko na sotasota vakatobu ena yabaki qo.

Na Tobu A ena qito tiko kina na timi ni Panasonic Wild Knights, Melbourne Rebels, Blues kei na Reds.

Na timi ni Pau, Waratahs, Chiefs kei na Highlanders ena qito tiko ena Tobu B. Ia, na Tobu C ena qito tiko kina na Viti, Brumbies, Hurricanes kei na timi ni Crusaders.

E rau na sota tiko o Viti kei na timi ni Brumbies ni oti na 3 ena 9 na miniti ena yakavi ni Vakaraubuka qo.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.