Vakarau na Fiji Pearls ena sota ni Quad VILIAME RAVAI | Monday, February 12, 2018

ESA tu vakarau na matatimi ni Fiji Pearls me na vakaitavi ena sotasota ka vakatokai tiko na Quad Series mai Niu Siladi ena vula mai oqo ena nodratou vakavakarau tiko kina sotasota ni 2018 Commonwealth Games ka na vakayacori tiko ena Gold Coast ena i ka 4 kina i ka 15 ni Epereli.

Na timi ni Viti ena sota tiko kei na timi ni Silver Ferns, Malawi kei Jamaica ena i ka 21 kina i ka 24 ni Maji. E tukuna o Vicki Wilson na dauniveivakatavulici ni timi ni Viti ena qito netball ni sotasota qo ena solia tale e dua na gauna vei ira na noda goneyalewa me na sota kei na timi era dauqito vinaka ka kaukauwa.

E kaya ni o ira na timi qo era oka tiko ena ono na timi ena veta e cake ka tiko sara e cake na kila ni nodra qito. E tomana o Wilson ni na dua na nodra vuli vinaka na dauqito ni Viti ena nodra na vakaitavi ena sotasota qo.

Ia, ena gauna qo era sa vakaukauwa yago tiko na goneyalewa ni Viti ka ra vakamuri tale tikoga na noda dauqito mai valagi mai vei ira na nodra dauniveivakatavulici.

E tukuna o Wilson ni ratou na vakanamata tiko ena kila, kei na i walewale ni qito ka vaka kina na vanua ni qito kei na itutu e qitori ena gauna ni qito.

Na timi ni Viti ena qito tiko vakatobu ena Tobu A kei na timi ni Ositerelia, Jamaica, Sauca Aferika, Barbados kei na timi ni Vualiku kei Ailadi.

Na sotasota ni Commonwealth Games ena qito tiko kina e 12 na timi ia, na timi ni Pearls e dabe tiko ena i ka tinikarua ni tutu.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.