Veisiko vei ira na veiliutaki vola o TALATALA SEPESA NIUMATAIWALU | Monday, February 12, 2018

?Kevaka era sa vakamalumalumutaki ira ko ira na noqu tamata era sa vakayacani ena yacaqu, ka masu, ka gole vei au, ka lesu mai na nodra i valavala ca, ia ka?u na vakabula na nodra vanua.? ( II Veigauna 7: 14).

Au vakabauta ni veiyaubula biuta oti tu na Kalou ena noda vanua lomani ko Viti, meda bula kina e ka vakaitamera.

Na leqa levu ga, oya na i valavala ca sa tu ena noda vanua e daidai.

E dua na kena i vakadinadina oqo, na wai ena Fiji Water, e tu ga ena loma ni qele, ka vakakina na waitui.

Sa vo ga na noda bula me dodonu vua na Kalou, me vaka ga e tukuna tiko na tiki ni Vola Tabu ka toka oqori e cake--- ia ka?u na vakabula na nodra vanua.

Oqori kevaka walega e biu laivi na i valavala ca.

Sikovi o Mr Bidesi

Ko Mr Bidesi e dua na turaga ni Idia vakaicaqe ka vakabisinisi levu ena noda vanua.

Au lako mai Lakeba ni?u sa veiqaravi mai na koro vakaturaga ko Tubou, ena gauna ko ya au sa wawa waqa tale tiko me?u lesu tale.

Ia ena dua na siga au vodo mai ena basi ni valenibula, ka mai sobu sara volekata na nona vale ka toka ena yasana e matau. Ia me vaka ni taubi tiko na uca, au a mani laki vakaruru tu ena yasa ni nona varada.

E raici au sara mai ko koya ka tukuna mai vei au me?u curu yani ki vale.

Ni?u dabe sobu e tarogi au sara ko koya se?u lako tiko ki vei?

Au mani tukuna sara ni?u cakacaka tiko vakaitalatala ka?u a lako sobu tiko kina neimami valenivolavola ni Assemblies of God, ka toka ga e ra.

Keirau mani veitalanoa ka tukuna ni rau veikilai vinaka kei na Turaga na Tui Nayau sa bale ( Ratu Mara).

Oti au mani tukuna vua ni?u dau veisiko talega ena cakacaka ni Turaga.

Ka?u tukuna sara vua se tiko eso na ka e gadreva voli me?u masulaka ka sauma mai, Io! E kerea de rawa ni nanumi koya ena masu, ka ni se qai oti ga e rua na macawa na nona takali (mate) na marama na watina.

Au mani tuberi koya sara ena vosa ni Kalou, ka soli bula sara vei Jisu, sa dua na ka na levu ni noqu marau ni?u kila ni o koya e dua e bau kilai levu ena noda vanua.

Oti ya sa qai veimacawa me?u dau talevi koya tiko ka caka lotu ena nona valenivolavola.

Ena dua na siga sa kerei au ko koya me?u vaqara mada mai e dua na watina.

Au tarogi koya sara, Kemuni sa yabaki vica Mr Bidesi? Tukuna sara mai, au sa yabaki 76.

Ni cavuta mai, au via dredre ka vaka me kidava ko koya na veika au nanuma.

E vaka me cudru ka kaya- Na cava ko nanuma, au sa sega ni rawa ni cakava na ka koya?

Ena qai kuri tale yani ena macawa oqo, ni qiri mai ena 9285371 ke dua na nomuni vakatataro.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.