Na Domo ni Parofisai mai na Lotu i Kavitu VILIAME RAVAI | Monday, February 12, 2018

Update: 10:52AM

ESA koto oqo e ra na i kuri ni itukutuku ni Domo ni Parofisai mai na Lotu i Kavitu, ni wiliwili sara yani.

NI sa bera ni vunau, veivakatavulici, ka veivakabulai vei ira na tauvimate ko Jisu, e a papitaisotaki mada. Ena gauna ni nona papitaiso; a cavuta kina na vosa rogorogo vinaka oqo na Kalou, �Oqo na noqu gone ni toko, o koya au sa dau vinakata vakalevu.�

E a cakacaka voli me yabaki tolu veimama ena kedra maliwa na tamata. E veivakatavulici, ka vunau vei ira na tamata. Ena veivanua kece e a lako kina, e tukuna vei ira me ra tovolea me ra cakava na veika dodonu. Ko Jisu na qasenivuli levu duadua e kila ko vuravura.

Na mate kei na qaqa ena kauveilatai

14. Na cava era kitaka na tamata vei Jisu ni sa oti na nona cakacaka?

�Ia ko ira na bete levu, kei ira kecega na mataveilewai, era vakasaqara eso me ra mai beitaki Jisu vakailasu, me mate kina ko koya.� Maciu 26:59.

�Ni sa mataka, era sa bosei Jisu ko ira kecega na bete levu kei ira na nodra qase na tamata, me ra vakamatea.� Vakatekivu 27:1.

Era vakamatei Koya ena kauveilatai. Oqo na i yaloyalo rarawa duadua e vuravura oqo. Ko ira sara ga nai liuliu ni lotu ena Nona gauna era cati Koya ka ni vakaraitaka vakadodonu vei ira nai valavala ca e na nodra bula.

Era cati Jisu ni ra lomani Koya na tamata. Ka ra taqaya de ra muri Jisu na tamata ka sega ko ira. Era sa qai vakoti Jisu ena kauveilatai, ka ra lecava no, ni sa yaco me nodra i Vakabula na tamata e na gauna sa vakoti kina ena kauveilatai.

Ni sa mate ena kauveilatai, sa bokoci kina na noda i valavala ca. A digitaki me mate ena vukuda, ena nona mate sa yalataki kina na bula tawa mudu vei keda. Ko ira kece era tauri Jisu me nodra i vakabula. era na vakabulai.

 Ena qai tomani tale yani.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.