Vakamuri na gaunisala ni veitalanoa UNAISI RATUBALAVU | Monday, February 12, 2018

VAKADEITAKA na Vunivola tudei ni Tabacakacaka i Taukei, o Naipote Katonitabua ni dodonu me na dau vakamuri vakadodonu na gaunisala ni kena wali na qele vakaitaukei.

E tukuna ni sega ni kena gaunisala me da laki vakaraitaka tu na noda nanuma ena veika me baleta na noda qele se kauwai ena mona livaliva me vaka e sa laurai tiko ena gauna oqo ka tabaki ena ? facebook? kei na veitabana ni tukutuku tale eso.

Kaya o Katonitabua ni so na i tukutuku e kaburaki tu me baleta e dua na i tokatoka, mataqali kei na yavusa e sa laki kaburaki tu ena mona livaliva ka sega ni tovo dina vakaitaukei na veika e dau tabaki tu vakaoya.

E tomana ni sa tiko na nodratou i vakailesilesi, kei ira na Roko Tui ena veiyasana me ra na vukei ira na lewenivanua ena vuku ni vakatataro se dua na ka e sega ni matata vei ira,

E kaya ni sa tikoga na i tuvatuva ni vanua, ena nodra dabe vata na vuvale ka ra veitalanoataka na veika me baleta na nodra vanua, na qele kei na veika eda umani vata kina na kawa i Taukei.

E tukuna ni sa vakarautaka tiko e dua na i tuvatuva na Tabacakacaka i Taukei kei ratou mai na Matabose ni Veika vakaitaukei e na kena sagai me na wali ka veitalanoataki eso na i tukutuku ka sega tu ni matata.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.