Saumi o ira na tukutuku UNAISI RATUBALAVU | Monday, February 12, 2018

E SA mai sauma oti na matabose e cake ni Crime Stoppers e rauta ni $23,869 vei ira era soli tukutuku vei iratou ena kena wali na kisi ni basu lawa eso ena noda vanua ena maliwa ni 2016 kei na 2017.

E na kena vakasavui na veiqaravi ni tabana oqo e ciqoma rawa na Crime Stoppers e rauta ni 570 na qiri ena yabaki sa oti.

E rauta ni 197 e rawa ni ratou laki veivesu mai kina na Tabana ni ovisa, ka walu tale na kisi e se tomani tiko na kena veivaqaqai mai na Tabana ni Ovisa.

Na qiri e ratou ciqoma na Crime Stoppers e wili kina na i tukutuku ni nodra vaqarai tiko na turaga se marama era basu lawa, na kena volitaki se teivaki na waigaga ni veivakamatenitaki.

Vakadeitaka o Birikadia Sitiveni Qiliho ni se tomani tikoga e vica vata na kisi ka sa mai tosoya talega e vica vata na nodra konitaraki na ovisa era tiko ena tabana ni veivaqaqai se Criminal Investigations Department ( CID).

Eso na kisi e se tomani tikoga ka kerei kina na tabana ni INTERPOL e wili kina na nodrau mai vakamatei na veiwatini kai Rusia ka kunei na yagodrau e Natadola ena Jiune ni 2016.

E se tomani talega na veivaqaqai ni ovisa ena nona sa davo matemate tu e dua na goneyalewa ni Jaina ena nona loma ni vale e Samabula ena 2014, kei na kisi ni laba ni dua na i vakailesilesi ni kabana e Laucala Beach ena yabaki sa oti.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.