Soli vakarawarawa na veivuke vakailavo UNAISI RATUBALAVU | Monday, February 12, 2018

ESA vakayacori eso na veisau me baleta na kena rawa ni tauri totolo na nomuni lavo na dau musuki tiko na nomuni lavo ni oti na veitalanoa se na bose ka vakayacori mai vei ratou na Tabana ni Lavo Musuki.

Veisau e sa vakayacori ena i lavo e dau kerei ena vuku ni vuli, na somate, tawa cakacaka kei na veivuke ena ka ni tauvimate.

?Dina ni dau vakabibitaki na kena maroroi e 70 na pasede na nomuni lavo me yacova na nomuni sa cegu mai ena cakacaka, esa tu talega na neitou kauwai ena vuku ni gagadre kei na veika e rawa ni yaco ni sebera na gauna ni nomuni cegu mai na cakacaka,? kaya o Jaoji Koroi, na i vakailesilesi liu.

?Na bose ka vakayacori ( Member forums) e sa biuta e dua na vatavata ni veitalanoa mai vei kemuni na lewenivanua ki vei keitou na dauniveiqaravi ena Tabana ni Lavo Musuki.?

Ena veivuke me baleta na vuli, esa sega ni oka ga eke na nomu rawa ni veivuke vei ira na tacimu, na watimu se na luvemu, e sa rawa talega ni ko veivuke mona sauma na vuli ni nomu i tubutubu. Na i lavo ni veivuke ni vola ni vuli e sa tosoi cake, mai na $200 dua na i wasewase ni vuli, ki na $400.

Na veivuke oqo ena soli ga kina veitabana ni vuli toro cake e kilai e Viti, ka veitarogitaki na vuli ko ni via vuli kina.

Vei ira na vuli e tiko kina na ?Certificate of Participation or Completion ena sega ni vukei.

Kevaka ko ni gadreva me veivuke ena nomuni tikotiko, me na vakau ga mai na tikidua mai na koronivuli ko vuli tiko kina.

Vei kemuni na laki vuli e valagi, ena rawa ni ra kerea na ilavo vei ira na Fomu 6 ka ra saumi, ka rawa ni soli e $2000 vei ira na gone e saumi ena sikolosivi na nodra vuli ena loma ni 6 na vula.

Ena veivuke vakailavo ni somate, na i lavo e dau soli ena somate e sa tubu mai na $1500 ki na $2000.

E sa soli talega na galala ka yaco sara e 30 na siga kivei ira na wekana voleka e sa leqa oqo me ra na kerea mai na ilavo ni veivuke oqo.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.