Okati ga ke o qoli ika ka volitaka VILIAME ODRO | Monday, February 12, 2018

Mai na tabana e 1 Mai na kena i davodavo me ra sauma na dauqoli vei ira na i taukei ni qoliqoli, e viavia tautauvata vinaka sara toka ga,? kaya o Koroilavesau.

Tomana ni kevaka ga o qoliva na ika ka volitaka, e sa na dodonu mo okati ki na lawa e ratou vakatututaka tiko na Tabana ni Qoliqoli.

Ia, kevaka o dou lako vakaveitamani ka la?ki siwa me vakayagataki ga e vale, e na sega ni dou okati e na lawa ka sa namaki tiko ni na vakayagataki e na dua na gauna lekaleka ga oqo.

?Taura mada o ratou na qoliqoli cokovata mai Macuata, ke dua na turaga e via lai qoli e na nodratou i qoliqoli, ka tuiya tale tiko e lima na waqa, kena i balebale ni o koya na tamata o ya e na la?ki kerea e dua na laiseni vei Tui Macuata.

?Na lawa o ya e na vauci koya baleta ni cakava tiko me nona bisinisi.

?Ia, ke mo dou lako vata tu ga kei na nomudou matavuvale, e sega ni o dou na coko e na lawa oqo, baleta o ya na nomudou dodonu mo dou lako ga mo dou la?ki siwa ka kania,? tomana o Koroilavesau.

Kuria ni sega ni dua na ka e rawa ni cakava na matanitu, koya walega na bisinisitaki ni ika, o na cokoti ki na lawa.

E kaya o Koroilavesau ni vakadewa e sa vakayacori tu e na gauna oqo e sa la?ki vakatubutaki vakaiyadrau na veilasutaki.

?Qo mada ga au sa mai rogoca ni dua e sa gole me la?ki taga moci e sa na coko talega ki na lawa qo.

?A ka gonei qori na veilasutaki e sa daba, ka?u sa kerei kemuni na lewe ni vanau mo ni kakua ni vakarogoca na i tukutuku lasutaki vaka oqo.

?Au raica tiko ni sa voleka mai na gauna ni veidigidigi, e sa qai katakata ga vaka na kuro kava na i talanoa lasulasu baleta na excees fees.

?Se bera mada ga ni vakadonui e na Bose Lawa na vakatutu e nanuma tiko oqo na Tabana ni Qoliqoli, ia sa vereverea ga na veilasutaki era sa cakava tiko mai nakoro ka sa qai medremedrewa sara ga kina na veitalanoa,? kaya o Koroilavesau.

Kuria ni vakatatabu ni qolivi ni sasalu e se davo no ga, ka tuki tu e na dua na i vako ono na idi, me se kua mada ni lamata cake tale mai.

E kaya o Koroilavesau ni tukuna vei ira na dauqoli sasalu kei ira na volitaka tiko me ra vakaraitaka mai e dua na kena i vakadiadina ni kevaka era volitaka tikoga na sasalu e ra na rawa ni bula tiko me yacovi ira na nodra kawa mai muri.

?Me yacova mai na gauna oqo, e sega vakadua ni bau duabulu e vakasuka mai na vakatataro au taroga yani vei ira. Sa kena i balebale ga oya ni ra lasu tiko,? kaya o Koroilavesau.

Tinia e na nona tukuna ni usutu levu duadua ni lawa vou e ratou vakatututaka tiko oqo, e ra na coko ga kina o ira na qoliva mai na ika, ka ra volitaka, kevaka e qolivi ga mai me vakayagataki e vale, e sega soti sara ni dodonu mo taqaya kina.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.