Butako yaqona VILIAME ODRO | Monday, February 12, 2018

SA DUA dina na veivakalolomataki levu e sa vakayacori tiko oqo e na Tikina o Wainunu, Bua, e na kena sa butakoci tiko na yaqona ka vakakina na kena kasa.

E vakadeitaka mai na i tukutuku oqori ki na Na i Lalakai o William Brown na nodra Advisory Council na dauteitei ka ra vakaitikotiko vagalala e na tikina o ya.

E kaya o Brown ni vanua e veiqaravi tiko kina e tekivu sara mai Naduva me yaco sara ki Wainivesi, o ya mai loma ni vanua ka kauta sobu sara ki matasawa.

Tomana na turaga yabaki 52 oqo ni ratou lewe 12 na dauteitei e ratou tiko e na maliwa ni i tikotiko o ya, ka butakoci na nodra yaqona, ka taratara milioni ga na kena i sau.

?Na ka e mositi keimami vakalevu kina na dauteitei, o ya ni butakoci sara tiko ga qo na yaqona yabaki 3 kei na 4.

?Sega ni yaqona walega, e butakoci vata sara tikoga na kena kasa, ka dau volia tiko e dua na kai valagi ka vakaitikotiko voleka e kea.

?Qo e da sa veibutakoci sara tikoga vakai keda, ka sega ni dua mai tuba e butakoci ira tiko na dauteitei oqo,? kaya o Brown.

Tomana ni o ira ga na cauravou ni yasayasa koya era vakayacora tiko na cakacaka butobuto, ka ra qai vakayagataka tikoga na lori mai Seaqaqa kei Savusavu e na kena vakaleleci na yaqona butakoci.

Kuria ni vakavinavinakataki iratou sara vakalevu na ovisa mai Savusavu e na nodratou la?ki yadrayadravaki tiko yani e na nodratou yasana, ka vakavuna na nodra sa tobo e so na daubutako, ka ra sa veilewai sara e na Moniti sa oti.

E so tale na i lala era se dro tiko, ka ratou sa kila na ovisa na vanua era veidroyaki tiko kina.

Sa kerekere tikoga vakalevu o Brown ki na matanitu, ke rawa ni la?ki vakayacori vakalevu ki na nodratou tikina na vuli (awareness) me rawa ni rai kina na matadra na daubutako e na vuku ni veivakalolomataki levu era dau vakayacora tiko vei ira na dauteitei.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.