Kacivaki na yacadra na mata ni NFP UNAISI RATUBALAVU | Monday, February 12, 2018

ESA mai kacivaka na National Federation Party e lewe 31 na nodratou mata digitaki era na tu tiko ena tikite ni NFP ena veidigidigi ni yabaki oqo.

Vakadeitaka na iliuliu ni soqosoqo o Parofesa Biman Prasad ni dua na timi vinaka e vakarautaka oqo na i soqosoqo ena vuku ni veidigidigi ka namaki tiko ena yabaki oqo.

E laurai ni levu sara era cakacaka e liu vakamatanitu era sa duri oqo mera mata digitaki mai na NFP me vakataki Turaganiovisa vakacegu Romanu Tikotikoca, o Sameula Naicegucegu, o Sila Balawa  kei Dr Richard Wah kei na so tale na yaca kilai ena noda vanua.

E tukuna o Parofesa Biman ni sa soli tu qo na gauna kivei iratou na mata digitaki mai na NFP me ratou na laki veitalanoa kei ira na lewenivanua ena vuku ni veika era na gadreva vei ira kevaka era sa digitaki ki Palimedi.

E vakabibitaka o Parofesa Biman ni ka bibi na veitalanoa ka me rawa ni ra kila na lewenivanua na veika eratou na valataka tiko na i soqosoqo oqo ni bera yani na siga ni veidigidigi.

E kaya o Balawa, e dua e sa lewena oi na mataivalu ni Viti ka cakacaka talega ena Minisitiri ni Vanua Tani, ni sa tu na gagadre ni lewenivanua ena nodra gadreva me dua na matanitu me na veiliutaki o koya e veitalanoa ka tiko na yalo ni veirogorogoci.

E kaya o Balawa ni bibi me dau tu na gauna me ra na dau vakarogoca na nodra kauwai kei na nanuma ni lewenivanua na matanitu e veiliutaki ka me rawa ni bucini kina e dua na veiwekani kei na bula ni veirogorogoci.

E digitaka o Balawa me tu mai ena soqosoqo vakapolitiki oqo na NFP baleta ni soqosoqo oqo e sa tu dede ka sa vakadeitaki koya ena buturara ni politiki ena noda vanua.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.