Mana na yavai Isoa Masiloa VILIAME RAVAI | Monday, February 12, 2018

E LEVU nai solisoli e tu vei keda na kawa i taukei ka ra se dau vakayagataka mai na tubuda ni bera ni ra qai solia sobu mai ki vei ira na luvedra kei na makubudra me yacova mai nai tabatamata eda sa bula tiko nikua.

Ia, e dua gona nai solisoli qori e vakayagataka sara tiko vakavinaka ko Isoa Masiloa na cauravou yabaki 18.

Ko Masiloa e cauravou ni Navakasiga mai Bua ka dau veibutu ka ni solisoli ni veivakabulai ka se dau vakayacora sara mai liu na tubuna.

?Keitou oqo na kena kawa saraga ka ra kila vinaka tu na neitou koro kei ira na wekai keitou ni neitou vuvale taucoko e kena dau ena veibutu,? e kaya o Masiloa.

E kuria o Masiloa ena gauna qo e ratou lewe lima ena nodratou vuvale ka ratou kila taucoko se tiko kece vei ratou na i solisoli levu qo ni veibutu yava.

?Na gauna ga au dau butuka kina na yava au sa rawa saraga ni kila na bibi ni mate e bikai koya tiko e laubutu,?e kaya na cauravou ni Navakasiga qo.

Ko Isoa e cauravou malua no ka dau vakarokoroko ia esa tiko talega vua na yalo kei na vosota ni veiqaravi ena veibutu yava.

?Au rawa saraga ni kila na bibi ni mosi se tauvi mate e bika tiko e dua na yava ka rawa talega me?u kila ke mate tiko vakatani,? e kaya o Masiloa.

A sotavi Masiloa na Nai Lalakai ni a veibutu tiko ena loma ni vale nei turaganikoro mai Toge ena yasana o Ba ka mani vakatarogi koya ena vuku ni kila kei na matau ni nona veiqaravi.

Ia, na cauravou qo e sega walega ni kena dau ena veibutu, e kena dau talega me qarava na mata ke mavoa.

?Kevaka me dua na yaloka ni mata e mavoa, nai solisoli e tiko vei au me?u dau uvuca ga na mata sa rawa saraga ni vinaka,? e kaya o Masiloa.

Ena nona tiko voli e Toge o Masiloa esa vakabula e ono na lewenivanua ena nona butuki ira.  E tukuna o koya ni sega ni qai gadreva talega na vakabogiva se dua na kena i dole ni nona veiqaravi.

?A tataunaka saraga vakabibi vei keitou na tamaqu me keitou kakua ni tagica na keitou i sau ena veiqaravi keitou cakava tiko qo,? e kaya o Masilaca.

A bau vakadinadinataka talega na Nai Lalakai na mana ni nona veibutu o Masiloa ena nona veiqaravi voli ena yasana o Ba kei Navosa. Ena gauna qo esa vuli tiko ko Masiloa ena Nukuloa College mai Ba.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.