Iyala ni uwa VILIAME ODRO | Monday, February 12, 2018

DUA NA ka me da vakasamataka sara tiko vakavinaka na lewe ni vanua lomani oqo ko Viti, sa i koya ni matanitu e lewa tiko na noda i qoliqoli me yacova sara na i yalayala ni uwa.

O ya e se tekivu sara mai na matanitu va-Koloni, na vei matanitu ka ra sa liu yani me yacova mai na matanitu ka veiliutaki tiko e na gauna qo, e dua tu ga na lawa.

Oqori na veika e cauraka mai na Minisita ni Qoliqoli o Semi Koroilavesu, ki na Na i Lalakai e na macawa sa oti.

E kaya o Koroilavesau ni veitalanoa ni lavo ka lavaki vei ira na dauqoli (excess fees) e se tekivu tiko mai e na yabaki sa oti, ka mai cegu toka ni veicalati na veitalanoa.

Tomana ni tauri mai na veitukutuku e na veiyasai Viti e na i tukutuku ka tiko e liu, ka sa lewai me vakamatatataki mada na vakatataro e tiko vei ira na lewe ni vanua.

Kuria ni mai na mua ni yabaki sa oti e rau a veitalanoa kina kei na turaga Paraiminisita, ka sa vakadonuya o koya me sa toso tale ka sa vakadeitaki e dua na i tuvatuva e tiko

E kaya o Koroilavesau ni ratou sa lomavata na Tabana ni Qoliqoli me vakadeuci sara vakamatailalai na kena veika vakalawa, me vakasirovi tale yani ki na nodratou tabana, ni bera ni ratou qai vola e dua na kena i vola me kau cake ki na Bose Lawa.

?Na kena kau cake ki na Bose Lawa ke sa na mani vakadonui mai, e sa na qai wili vakalawa na excess fees.

?Qo e sega sara ga ni duidui mai na veika e dau caka tu e liu, me vaka na ?Goodwill? e ra dau solia na dauqoli ki vei ira na i taukei ni qoliqoli.

?O ira oqo e tiko vei ira na dodonu me ra i taukei taumada ni qoliqoli (traditional fishing owners) e sega ni nodra na i qoliqoli,? kaya o Koroilavesau.

Tomana ni kena vakadavori oqo na excess fees, e na wasei vakatautauvata kina na i lavo era sauma na dauqoli ki vei ira e tiko vei ira na dodonu me ra taukena na qoliqoli.

Kuria ni gauna e liu e duatani na i lavo e saumi vei iratou na yasayasa vaka-Ra, duatani e saumi vei iratou na baravi kei Tailevu, duatani na i wasewase ni lavo e soli vei ira na qoli mai Cakaudrove, Macuata vata kei Bua. E kaya o Koroilavesau na kena sa nanumi tiko me vakamatanitutaki oqo, e sa na vakatau ga na i lavo era sauma na dauqoli ki na veika era rawata.

Tomana ni mai na i lavo e lavaki e tautauvata ga na kena ka dau vakayacori tu e liu, mai na $1000 ki na $3000, o koya ga e levu sara o ya na $5000, qo era dau kelia tiko na cakau bula me vakau ki valagi.

?Na tikina o ya e se vakatabui vakawawa tiko e na gauna oqo.

?Baleta ni ra voroka sara ga na cakau bula, ra tawana e na kato iloilo, ka ra qai vakauta tiko vata kei na ika ki valagi. Mai na kena i davodavo me ra sauma na dauqoli vei ira na i taukei ni qoliqoli, e viavia tautauvata vinaka sara toka ga,?

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.