Kasere o Vatuvula kei Vatusolo VILIAME ODRO | Monday, March 26, 2018

Sa tutaki tiko oqo na medra yaqona vakaturaga na Tui Vuda o Ratu Eparama Tavaiqia, e na soqo ni vakananumi ni yabaki drau ni masumasu
Sa tutaki tiko oqo na medra yaqona vakaturaga na Tui Vuda o Ratu Eparama Tavaiqia, e na soqo ni vakananumi ni yabaki drau ni masumasu

Update: 11:00AM SA MAI yala toka na noda i talanoa e na gauna era sa la�ki bose kina na turaga ni koro ko Namara, Vuda, e na nodratou vale o Qasenivuli Vakacegu Epeli Rawaqa.

Ni tei wiliwili sara yani:

E kaya o Rawaqa ni gauna e sisi tiko kina na qele e na delana mai Vatuvula kei Vatusolo, e yaco sara tu ga vakasigalevu e na kena tekivu mai na bogi, ka sa mai yacova tale o ya na sigalevu.

�Sa bau vakarerevaki dina na kena rorogo, ka ni vatu kece e ra sisi mai, era cavuta mai na veivunikau lelevu mai delana, ka ra toso vata tu mai.

�Na neimami raica tiko na ka e yaco, e sa qai lesu tale mai vei keimami na yalayala e vakayacora o Talatala Samuela Jeke, na turaga ka a raica na i tukutuku mai na veinuku mai Wailoaloa, ka kaya tiko vaqo ri ne,�Na i wali ga ni mate levu oqo na lotu�.

�O na i Talatala o Jeke e a tukuna vei ira na lewe ni koro ko Namara, ni gauna e sa mate kina, me ra la�ki buluti koya e na yasani koro i matau, baleta ni gauna e na sisi mai kina o Vatuvula kei Vatusolo, o ira kece na vatu lelevu kei na qele, era na la�ki tao e na mata ni nona i bulubulu.

�Na yalayala oya e se caka sara e na yabaki 1918, ia, na sisi ni vatu e qai mai yaco tiko e na yabaki 1982,� kaya o Rawaqa.

Tomana ni kena i tukutuku na turaga oqo, me vaka e sa vakamacalataki oti yani e na Na i Lalakai, Vukelulu 28 ni siga ni vula sa dromu, era sa qai vakadinadinataka sara ga e na gauna e sa sisi tiko kina na qele.

Kuria o Qasenivuli Vakacegu ni vuna o ya era sega ni rere kina na lewe ni koro, baleta na yalayala e cakava mai o Talatala Jeke, e na yabaki 1918, era sa raica matanavotu sara tu ga mai na lomaloma ni bogi levu, me yacova tale na sigalevu ni siga ka tarava.

Ni se qai tekivu sara ga na nodra bose na turaga ni Namara e na vale nei Qasenivuli Vakacegu, era sa rogoca sara na domo ni dua na vale nawanawa (helicopter) ni sa vuka cawiri tiko e na delana ka sisis tiko oya.

Ena qai kuri tale yani

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.