Vakarau me kua na vuki bera VILIAME ODRO | Monday, April 16, 2018

RATOU sa vakaraitaka mai na Tabana ni Leqa Tubukoso (National Disaster Management Office) e Suva ki vei keda kece na lewei Viti me da vakavakarau ni se siga toka.

E sa kerei vei kemuni na tiko e na vanua lolovira, mo ni gole cake e na vanua cecere ka ni yacova mai na bogi ni Moniti sa ciciva tiko na i vakatagedegede na 2 na cava o Keni.

Ratou sa nanuma tiko na Tabana ni Draki ni na qai yacovi Kadavu na cava o Keni e na sigalevu oqo, ka sa na rawa ni ciciva tiko na i vakatagedegede naba 3 (Category 3).

Na Category 3 oqo e rawa ni rerevaki sara, ka vakavuna na boko ni livaliva, kei na wai, ka rawa talega ni cavuta na dela ni vale.

E ratou vakaraitaka mai na Tabana ni Draki ni sa vakasalataki tiko na vanua raraba o Viti e na cava o Keni, ia sa kerei me ra qaqarauni vinaka sara na veivanua ka sa toqai toka oqo e ra:

Viti Levu, Yasawa kei na Mamanuca

Beqa, Vatulele, Lomaiviti

Moala, Totoya,

Matuku, Lau icake

Kadavu kei iratou na yanuyanu lalai o (Matanuku, Ono, kei Galoa)

Nanumi tiko ni na tarai Vatulele, Kadavu, na vei yanuyanu lalai o Matanuku, Ono, kei Galoa na kaukauwa ni cava o Keni e na 100 na kilomita, dua na auwa, kei na cagi tataba ki na 140 kilomita, dua na auwa.

Eana sigalevu nikua (Tusiti) e nanumi tiko ni na toso cake na kaukauwa ni cava o Keni ki na 120 na kilomita, dua na auwa, kei na cagi tataba e na tara sara tiko yani na 170 kilomita, dua na auwa.

Sa vakasalataki talega kivei kemuni na vakaitikotiko e na veimama kei Lautoka ki Sigatoka kei Navua, yatu Mamanuca kei Beqa, mo ni namaka tiko ni na rawa ni tara yani na nomuni vanua na kaukauwa ni cagi e na 80 na kilomita kei na cagi tataba ki na 110 na kilomita e na sigalevu nikua (Tusiti) ka na rawa ni toso cake sara ki na 100 na kilomita, dua na auwa kei na cagi tataba ki na 140 kilomita, dua na auwa.

Kivei kemuni mai na Yatu Yasawa, kei na vanua o Viti Levu namaki tiko mo ni na namaka na cagi tataba e na 80 na kilomita, dua na auwa.

Ena sigalevu enanoa (Tusiti) e rauta ni 2000 na lewenivanua era sa tiko e na vanua ni drodro e na Vualiku kei na yasayasa vaka-Ra.

Sa kerei mo ni qai veitaratara mai ke mani yaco e dua na leqa e na nomuni i tikotiko:

Tabacakacaka ni Ovisa: 911

Tabacakacaka ni Bokobuka: 910

Tabana ni livaliva -

Electrical Emergencies: 913

Tabacakacaka ni Ovisa:

Yasayasa vaka-Ra - 9905457

Wasewse Tokalau - 9905563

Wasewase Vualiku - 9905722

Wasewase Ceva - 9905529

Leqa Tubukoso:

National Emergency O

peration Center: 3319250

Wasewase e loma: 3683250

Wasewase Ceva: 7848858

Wasewase Vualiku: 8280359

Yasayasa vaka-Ra: 6281553

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.